ഭരണങ്ങാനം: ജില്ലാ സീനിയര് ഗുസ്തി മത്സരങ്ങള് ഭരണങ്ങാനം എഎസ് റസ്ലിംഗ് അക്കാദമിയില് നടന്നു. ചാമ്പ്യന്ഷിപ്പില് 20 പോയിന്റോടെ എഎസ് അക്കാദമി ഓവറോള് ഒന്നാം സ്ഥാനവും 15 പോയിന്റോടെ ആര്ആര്സി കല്ലൂര്ക്കുളം രണ്ടാം സ്ഥാനവും 10 പോയിന്റോടെ കെപിആര് നട്ടാശേരി മൂന്നാം സ്ഥാനവും കരസ്ഥമാക്കി.
സമ്മേളനത്തിൽ ജില്ലാ അസോസിയേഷന് പ്രസിഡന്റ് അവിനാഷ് ജെ. മാത്യു അധ്യക്ഷത വഹിച്ചു. ദേശീയ റസ്ലിംഗ് ഫെഡറേഷന് അത്ലറ്റിക് കമ്മീഷന് അംഗം സ്മിത മത്സരങ്ങള് ഉദ്ഘാടനം ചെയ്തു. ദേശീയ റഫറി അഞ്ജന യു. രാജന്, സെക്രട്ടറിയും ഇന്ത്യന് ടീം പരിശീലകനുമായ ബിജു കുഴുമുള്ളില്, ജില്ലാ ട്രഷറര് നെല്സന് മാത്യു എന്നിവര് പ്രസംഗിച്ചു.
ളാലം ബ്ലോക്ക് പഞ്ചായത്ത് മെംബറും സംസ്ഥാന വൈസ് പ്രസിഡന്റുമായ സാജന് മണിയങ്ങാട്ട് സമ്മാനങ്ങള് വിതരണം ചെയ്തു. 29, 30 തീയതികളില് കോഴിക്കോട്ട് നടക്കുന്ന സംസ്ഥാന മത്സരത്തില് കോട്ടയം ജില്ലയെ നിധിന് ഗോപാല്, ദീപു ഉമേഷ്, ആര്. ശ്രീജിത്ത്, ജയേഷ് ഷാജി, അമല് സന്തോഷ്, ജോയല് വര്ഗീസ്, ടി.ടി. അരുണ്, ജോയല് മനോജ് കുര്യന് പ്രതിനിധീകരിക്കും.
മിനി, സബ് ജൂണിയര്, ജൂണിയര്, അണ്ടർ 23 മത്സരങ്ങള് തുടര്മാസങ്ങളിലും സ്കൂള് ഗുസ്തി മത്സരങ്ങള് സെപ്റ്റംബര് ഏഴിന് കോട്ടയം ഇന്ഡോര് സ്റ്റേഡിയത്തിലും നടത്തും.
Deepika
E-paper LOGIN
LOGIN